Аталған баға деңгейі 2026 жылғы 1 сәуір мен 30 маусым аралығында қолданылады.
Атап айтқанда, Қазақстан аумағында өндірілетін бірқатар тауарларға ең төменгі баға деңгейі белгіленді.
Тізімге 28 түрлі өнім енгізілген.
Олардың ішінде:
- майлылығы 40%-дан аспайтын сүзбе – 1822 теңге;
- майлылығы 36%-дан аспайтын, құрғақ заттағы май үлесі 48%-дан асатын өзге балқытылған ірімшіктер – 2985 теңге;
- қабығымен сатылатын жаңа тауық жұмыртқасы – бір данасы 41 теңге;
- жаңа немесе салқындатылған картоп – 1 кг үшін 90 теңге;
- жаңа немесе салқындатылған ақ қауданды қырыққабат – 1 кг үшін 72 теңге;
- жаңа немесе салқындатылған сәбіз – 1 кг үшін 106 теңге;
- алма (1 тамыз бен 30 қараша аралығында) – 1 кг үшін 175 теңге;
- қатты бидай – 1 кг үшін 83 теңге;
- жұмсақ бидай мен спельтадан алынған бидай ұны – 1 кг үшін 175 теңге;
- күнбағыс тұқымы (ұсақталған немесе ұсақталмаған) – 1 кг үшін 201 теңге;
- бастапқы қаптамадағы (10 литрге дейін) күнбағыс майы немесе оның фракциялары – 1 кг үшін 451 теңге;
- еттен, ет қосалқы өнімдерінен немесе қаннан дайындалған шикі шұжықтар – 1 кг үшін 2063 теңге;
- еттен, ет қосалқы өнімдерінен немесе қаннан жасалған өзге шұжық өнімдері – 1 кг үшін 1521 теңге;
- кептірілген макарон өнімдері – 1 кг үшін 248 теңге;
- спирт көлемі 45,4%-дан аспайтын, көлемі 2 литрге дейінгі ыдыстардағы арақ – 1 литрі 1268 теңге.
Ал Қазақстанда өндірілмейтін тауарлар тізіміне 8 атау енгізілген.
Олардың қатарында:
- жаңа немесе салқындатылған шампиньон саңырауқұлақтары – 1 кг үшін 754 теңге;
- жаңа банандар – 1 кг үшін 403 теңге;
- жаңа тәтті апельсиндер – 1 кг үшін 277 теңге;
- жаңа немесе кептірілген мандариндер – 1 кг үшін 269 теңге;
- жаңа құрма – 1 кг үшін 208 теңге;
- өзге де күрделі органикалық еріткіштер мен сұйылтқыштар, сондай-ақ бояу немесе лакты кетіруге арналған дайын қоспалар – 1 литрі 234 теңге.
Ең төменгі баға деңгейі әр тоқсан сайын жаңартылып отырады. Бұл кейбір тауарлардың бағасы маусымға байланысты өзгеруімен және импорт бағасының құбылмалы болуымен түсіндіріледі.