Министр "Білім туралы" ҚР заңына енгізілмек түзетулер мен өзгерістер жайынан ақпарат ұсынды.
"Министрлік репетиторлық орталықтардың жұмысына, олардың салық салымына, сондай-ақ балалар мен ата-аналар алдындағы жауапкершілігіне қатысты бірқатар түзетулер енгізгелі жатыр. Сондай-ақ біз мұғалімдерге өз оқушыларына ақылы негізде қосымша сабақтар беруге тыйым салуды да қарастырудамыз", - деді Жұлдыз Сүлейменова.
Оның айтуынша, мұғалімдер онсыз да баланы оқытқаны үшін жалақы алады.
"Менің ойымша, әр мұғалім үшін бұл - этика мәселесі. Тыйым салу мәселесі әлі де талқыланып, жан-жақты қарастырылатын болады. Мемлекет баланы оқытуға жеткілікті қаражат бөледі. Бұл балаға сапалы білім беру - мұғалімнің міндеті", - деп атап өтті Жұлдыз Сүлейменова.
Бұған дейін Ғылым және жоғары білім министрі Саясат Нұрбек 2026 жылғы 26 мамырда Үкіметтегі баспасөз мәслихатында "ҰБТ-дан ең жоғары балл жинаған талапкерлердің нәтижесі қайта тексеріле ме" деген сұраққа жауап берген болатын.