Ол мемлекеттік білім беру тапсырысы еңбек нарығының білікті мамандарға деген сұранысын ескере отырып қалыптастырылатынын атап өтті.
"Биыл гранттардың 60%-ы инженерлік-техникалық бағыттағы мамандарды даярлауға, 20%-ы педагогикалық бағыттарға, қалған 20%-ы өзге де білім беру бағыттарына бөлінді", – деді Жанна Есімбаева.
Оның айтуынша, 2026–2027 оқу жылына бакалавриат бағдарламалары бойынша 75 мыңға жуық білім беру гранты қарастырылған.
"Конкурсқа қатысу үшін 127 мыңға жуық өтініш берілді. Гранттар ҰБТ нәтижелері, талапкерлер таңдаған білім беру бағдарламалары мен жоғары оқу орындары, сондай-ақ заңнамада белгіленген квоталар ескеріле отырып, конкурстық негізде бөлінді", – деп атап өтті Жанна Есімбаева.
Бұған дейін, 2026 жылғы 5 тамызда, Ғылым және жоғары білім министрі Саясат Нұрбек білім беру гранты иегерлерінің тізімі жарияланатын күн мен уақытты атаған еді.