Сабақтан қалу ерекше бақылауға алынады: Қазақстанда 21 қарашадан бастап жаңа ережелер енгізіледі

Фото: Министерство просвещения РК
Қазақстанда 2026 жылғы 21 қарашадан бастап оқушылардың сабаққа қатысуына бақылау күшейтіліп, буллингке қарсы әрекет ету тәртібі өзгереді, деп хабарлайды Zakon.kz.

Алматы қаласының Балалардың құқықтарын қорғау басқармасының мәліметінше, елде 0 жастан 18 жасқа дейінгі балалардың бірыңғай дерекқоры жүргізіледі.

"Оған мектеп оқушылары, мектеп жасына дейінгі балалар, оқумен қамтылмаған және дәлелді себепсіз жүйелі түрде сабақтан қалатын балалар туралы мәліметтер енгізіледі", – деп хабарлады басқарманың баспасөз қызметі.

Сабақтан жүйелі түрде қалатын оқушылар туралы ақпарат ай сайын салыстырып тексеру үшін полицияға жіберіледі. Бұл мәліметтер әр айдың 10-ына дейін Ұлттық білім беру деректер қорына енгізілуге тиіс.

Сонымен қатар буллинг туралы хабарламаларға ден қою тәртібі де өзгереді.


"Білім беруді басқару органдары буллинг туралы келіп түскен ақпаратты бір жұмыс күні ішінде тіркеуге міндетті", – деп мәлімдеді басқарманың баспасөз қызметі.

Мектептер де психологиялық қолдау көрсетуді ұйымдастыруға міндеттеледі.

Бұған дейін, 2026 жылғы 16 қарашада елімізде кешкі мектептерде оқыту қағидаларын өзгерту жоспарланып отырғанын хабарлаған едік.

Қазақстан
Шымкент
Алматы
Астана

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Тоқаев мәслихат сайлауына қатысты тапсырма берді

ҰҚК-нің жаңа төрағасы тағайындалды

Қазақстанға тауық жұмыртқасын әкелуге тыйым салынды

Қазақстанда халықтың ақшалай табысын есептеу тәсілдері өзгермек

Ренат Айтаев президент Әкімшілігінің мемлекеттік бақылау бөлімінің меңгерушісі болып тағайындалды