ДДСҰ басшысы Тедрос Аданом Гебрейесус Қазақстанның еңбек сіңірген қайраткері, ақын Жүрсін Ерманды мерейтойымен құттықтады, деп хабарлайды Zakon.kz.
Тедрос Гебреисус расымен Жүрсін Ерманның құдасы болып шықты. Танымал ақынның жиені Дүниежүзілік денсаулық сақтау ұйымының бас директорының үлкен ұлына 4 жыл бұрын тұрмысқа шыққан. Қазір бір қызы бар.
Видеоны Гебрейесус өзінің Facebook парақшасында жариялады.
"Құрметті Жүрсін құда, мерейтойыңыз құтты болсын! Денсаулығыңыз зор болсын, өміріңіз ұзақ болсын! Құдалығымыз мәңгілік болсын!
Арбаса нәпсі ібіліс, алаңдап қалам, ұлып іш. Көңілге неге сыймайсың, көзіме сыйған құбылыс. Рақмет!" – дейді видеода Тедрос Аданом Гебрейесус.
