Бейне жазбасында былай делінген:
"Баршаңызға қайырлы күн! Әйелім екеуміз отбасымызға қатысты соңғы жаңалықтарға түсініктеме беруді шештік."
Бір қызығы, түсірілімде Алтынай жұртшылықты алаңдайтын ештеңе жоқ: оларда бәрі жақсы деп сендірді. Олардың отбасында ұрыс-керіс, түсініспеушілік болғанымен, тату-тәтті өмір сүріп жатқандарын жеткізді.
"Мен бұқаралық ақпарат құралдарында жағдайды білмей, Рахатты әділетсіз түрде жаман жағынан көрсетіп жатқанына қынжылам", - деді ол.
Оның айтуынша, Рахат аяулы, қамқор, мейірімді жар әрі әке.
Сөз соңында Тұрлыханов ерлі-зайыптылардың қамын ойлаған жандарға алғысын білдірді.
Сонымен қатар, жазылушылар "БАҚ жағдайды түсінбестен үнемі бәрін драмалық түрде көрсетеді" деп сенеді. Оқырмандардың көбі отбасына бақыт тіледі.
2024 жылдың 9 қаңтарында Алматы қаласының Әкімшілік құқық бұзушылық істері жөніндегі мамандандырылған ауданаралық соты суретшіге қатысты істі қарады. Тергеу материалдарынан белгілі болғандай, 2023 жылдың желтоқсанында Тұрлыханов үйінде жанжал шығарып, әйелін соққыға жыққан.
Сотта ол кінәсін мойындап, өкініп, тараптардың татуласуына дейін іс жүргізуді тоқтатуды сұрады. Әйелі фактіні растап, күйеуімен татуласқанын айтты.
2023 жылдың қазан айында Тұрлыхановқа әйелін ұрды деп айып тағылған болатын, бірақ сот татуласуына байланысты істі тоқтатқан.
