Нұр-Сұлтанда екі автобус соқтығысып қалды, деп хабарлайды Zakon.kz қалалық ПД-не сілтеме жасап.
- 7 қазан күні таңертең Мәңгілік даңғылы бойындағы аялдамада №15 автобустың жүргізушісі ара қашықтықты сақтай алмай, аялдамада балаларды күтіп тұрған мектеп автобусын соқты. Жол апаты кезінде мектеп автобусында жолаушылар болмаған, делінеді хабарламада.
Ал маршруттық автобуста 30 шақты жолаушы болған.
Апат салдарынан №15 автобустың екі жолаушысы дене жарақаттарымен ауруханаға жеткізілді. Тексеру жүргізілуде.