Алматы қаласының билігі автоматтандырылған жүйені пайдаланып, деструктивті діни идеологияны насихаттағандарды анықтау үшін Интернет кеңістікті зерделеп отырады, деп хабарлайды Zakon.kz.
Діни экстремизм мен терроризмнің алдын-алу бойынша кешенді шаралардың нәтижесінде биылғы жылдың басынан бастап Алматы қаласында радикалды бағыттағы желідегі күмәнді топтарға жазылған 5 мыңнан астам адаммен түсіндіру жұмысын жүргізді.
Түсіндіру жұмысы кезінде олардың көпшілігі желідегі мұндай топтарға жазылғандарын өздері де білмейтіні белгілі болды. Кейбіреуі желідегі діни топта радикалды идеология насихатталады деп мүлде күмәнданбаған болып шықты. Нәтижесінде олардың барлығы желідегі күмәнді топтардан шығып кетті.
Қала билігі азаматтарға діни ақпаратты тек ресми тіркелген діни бірлестіктерден алуға кеңес береді.
Ал егер біреу радикалды идеологияны насихаттау фактілеріне тап болса, бұл туралы Алматы қаласының полиция департаментіне немесе қоғамдық даму басқармасына хабарлай алады.
Сақ болыңыз! Әлеуметтік желілердегі радикалды діни бірлестіктердің ықпалына түсіп қалмаңыз.
