Алматы қалалық полициясы халық санағына қатысты алаяқтық туралы ақпарат жалған екенін айтты, деп хабарлайды zakon.kz.
Алматы полиция департаменті "қалада халық санағын жүргізіп жүрміз" деп пәтерлерді аралап жүрген белгілісіз біреулер туралы алаяқтық жағдайы тіркелмегенін, ондайдың болмағанын ресми түрде мәлімдеді.
Жалпы, азаматтар тарапынан да шағымдар болған жоқ. Әртүрлі мессенджерлер арқылы тарап жатқан мұндай мағынадағы ақпарат шындыққа жанаспайды. Осыған байланысты біз азаматтарды тек мемлекеттік органдардан келіп түскен хабарламаларды назарға алуға және күмәнді дереккөздер таратқан ақпаратты ары қарай "ауызша" таратпауға шақырамыз, оның салдарынан тұрғындар арасында негізсіз дүрбелең туындауы мүмкін, - дейді қалалық полициядағылар.