Маңғыстау облысында бір әйел екі банктегі несиесін жабу үшін жаңа туған сәбиін сатпақшы болған, деп хабарлайды zakon.kz.
ҚР ІІМ ресми сайтының хабарлауынша, Маңғыстау облысының полициясына бір әйел біреуден баласын ала алмай жүргеніне арызданған.
Мамыр айында арызданушы әйел өзінің туған ұлын бейтаныс әйелге асырап алуға берген, оның орнына ол екі банктегі 907 мың теңге көлеміндегі несиені жауып беруге келіскен, бірақ ақырында бала алған әйел уәдесін орындамаған. Бұл факті бойынша ҚР Қылмыстық кодексінің 128-бабы, яғни "Адам саудасы" бойынша сотқа дейінгі тергеу жүргізілуде.
Екі тарап та тергеу аяқталғанша ешқайда кетпеу жөніндегі кепілхатпен босатылды.
