Алматыда дәрі-дәрмекті қолдан жасайтын жасырын цехтан 100 тонна күмәнді өнім табылды

24.kz
Бұл факті бойынша тергеу амалдары жүргізілуде, сараптама тағайындалды.

23 шілдеде Алматыда контрафактілік дәрі-дәрмектер өндіретін жасырын цех анықталды, деп хабарлайды zakon.kz.

Қалалық прокуратураның баспасөз қызметі хабарлағандай, жедел-іздестіру іс-шаралары барысында Алматы қалалық экономикалық тергеу департаменті өкілдерімен бірлесіп қалада дәрі-дәрмектердің сыртқы қорабын дайындайтын баспахана, өндірілген заңсыз өнімді сақтайтын қойма, сондай-ақ күмәнді дәрі-дәрмектерді даярлайтын жасырын цех анықталды.

Нәтижесінде 100 тоннадан астам күмәнді дәрі-дәрмектер тәркіленді. Көбіне мынандай маркадағылары: Ротоцеф, Солкасерил, Регидрон Оптим, D3 Никомед, Цефамед, Цераксон, Цефазидин және т.б.

Осылайша, құқық қорғау органдары күмәнді дәрі-дәрмектерді еліміздегі көтерме және бөлшек сауда желісі арқылы заңсыз сату әрекетінің жолын кесті. Бұл факті бойынша тергеу амалдары жүргізілуде, сараптама тағайындалды.

- Қалалық прокуратураның үйлестіруімен мобильді топтар қаладағы дәріханалар арқылы белгіленген бағадан асыра сату фактісі бойынша 109 құқық бұзушылықты анықтады, 109 адам ҚР Әкімшілік құқық бұзушылық туралы кодексінің 426-бабына сәйкес әкімшілік жауапкершілікке тартылды. 25 факті бойынша сотқа дейінгі тергеу амалдары жүргізілуде. Жүргізілген рейд аясында 1000 пакет көлеміндегі дәрі-дәрмектер алынды және 8,5 миллион дана медициналық маскалар тәркіленді, олар қаланың денсаулық сақтау мекемелеріне тапсырылды, - деді ведомствадағылар.

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Санжар Ерұланұлы дзюдодан жасөспірімдер арасында әлем чемпионатында топ жарды

Ұлытау облысында жыл басынан бері дрифт жасаған 14 көлік жүргізушісі жауапқа тартылды

Дзюдошы Асқар Біржанов жасөспірімдер арасында әлем чемпионатының қола жүлдегері атанды

1200-ден астам құқық бұзушылық: Астанада жаппай рейд жүріп жатыр

Астана, Алматы және Шымкент қалалары бойынша алдағы бес күнге арналған ауа райы болжамы