Қарағанды облысында жүк тиеген 8 вагон рельстен шығып кетті, деп хабарлайды zakon.kz.
ҚР ІІМ ТЖК мәліметтері бойынша, төтенше жағдай 2 қарашада сағат 06: 00-де Қарағанды облысы Бұқар жырау ауданындағы Ботақара станциясының теміржол учаскесінің 27-ші шақырымында болған.
Кірме жолдарда көмір тиелген 8 вагон рельстен шығып, оның ішінде екеуі аударылып қалды, деп хабарлады Төтенше жағдайлар министрлігінің баспасөз хатшысы Талғат Уәли.
Ол теміржолдың 150 метр аумағына зақым келгенін де айтты.
Оқыс оқиға пойыздардың жүрісіне әсер еткен жоқ. Зардап шегушілер де жоқ.
