Орал-Атырау тас жолында болған жантүршігерлік жол апатынан алты адам қаза тапты, деп хабарлайды zakon.kz.
"Мой город" порталының хабарлауынша, тағы бір адам түрлі дене жарақаттарымен ауыл ауруханасына жеткізілген.
БҚО полициясы 22 ақпанда болған жантүршігерлік жол апаты Орал-Атырау тас жолында, Тайпақ ауылының маңында болғанын атап өтті. Тас жолда Toyota мен Lada көліктері соқтығысқан.
БҚО денсаулық сақтау басқармасы баспасөз қызметінің хабарлауынша, апат орнында алты адам қайтыс болды, тағы біреуі Тайпақ ауылындағы ауруханаға жеткізілді. Қазір оның жағдайы анықталып жатыр.
Полиция қызметкерлері оқиға орнында болып, мән-жайды зерттеді. Қазір апатқа қатысты басқа мәліметтер тексеріліп жатыр.
