Ақтөбелік экономист алаяққа сенемін деп, 3 млн теңгесінен айырылды, деп хабарлайды zakon.kz.
Полицияның мәліметінше, 2020 жылдың тамызында Нұр-Сұлтан қаласының 27 жастағы тұрғыны бизнес ашамын, үлескер боласын деген желеумен Ақтөбе мұнайы компаниясының бір экономисіне тиесілі 3 миллион теңгені иемденіп кеткен.
Сонымен қатар, тағы бір іс анықталды. 43 жастағы әйел полиция көмегіне жүгініп, мамыр айының соңында танысы құрылыс материалдарын жеткізіп беремін деп алдап, 3 миллион теңгесін иеленгенін айтты. Алайда, жәбірленуші сондан кейін ешқандай құрылыс материалдарын да, ақшасын да көрмегенін жеткізді.
Осы фактілерге сәйкес, Қазақстан Республикасы Қылмыстық кодексінің 190-бабы, "Алаяқтық" бойынша сотқа дейінгі тергеу жүргізілуде.
Азаматтардың көпшілігі пайданы көздеп, қарапайым сақтықты ұмытып кетеді. Мұндай жағдайларда азаматтар өте мұқият болуы керек, нотариалды куәландырусыз біреуге ақшаны сеніп беруге болмайды, - деді Ақтөбе облысы ПД басшысы Атығай Арыстанов.
