Павлодар облысында көшеде алабай ит әйел мен балалды тістемек болған, деп хабарлайды Zakon.kz.
17 қараша күні сағат 20:20-да полицияға Шарбақты ауданының Александровка ауылының тұрғындары байланбаған әрі тұмылдырықсыз алабай итінің көше кезіп жүргенін айтып, хабарласқан, - деп хабарлады Павлодар облысының ПД.
Мәселені реттеуге ауылдың учаскелік полиция инспекторы Талғат Смақов жіберілді. Ол иттің қабаған екенін, өтіп бара жатқан адамдарға, оның ішінде балаларға жүгіретінін байқаған.
Ит адамдарды қауып алмасын деген учаскелік инспектор табельдік травматикалық қаруды пайдаланған. Себебі анасы балаларын жауып тұрған кезде, ит оның қолын тістеп алған. Оқ атылған соң, ит белгісіз жаққа қашып кеткен.
Ауыл тұрғынын қапқан итті серуендету ережелерін бұзғаны үшін ит иесіне қатысты ҚР ӘҚБтК – нің 408-бабы, 2-бөлігі бойынша әкімшілік іс қозғалды, - деп толықтырды ведомстводан.
Дайана Тоқберген