Талғарда жаяу жүргіншілер жолағынан өтіп бара жатқан үш оқушыны көлік қағып кетті, деп хабарлайды Zakon.kz.
@Talgar_akimat аккаунтында жол-көлік оқиғасы 29 қарашада таңертең орын алғаны жазылған.
Жол-көлік оқиғасынан Жамбыл Жабаев атындағы №6 мектептің оқушылары зардап шекті: жетінші сыныптың екі оқушысы, ал біреуі үшінші сыныпта оқиды. Балалар аудандық ауруханаға жеткізілді. Талғар әкімдігінің баспасөз қызметі
Volkswagen Golf жүргізушісі 47 жаста екендігі, жол апаты кезінде оның сау болғаны да айтылады.
Қазіргі уақытта тергеу жүріп жатыр.
Автокөлік арнайы айыппұл тұрағына қойылды.