Бұл туралы қалалық полиция басқармасының басшысы Қанат Таймерденов телеарналардың бірінде сөйлеген сөзінде мәлімдеді.
Полиция департаментінің бастығы қаза тапқандар қарақшылар мен лаңкестер, сондай-ақ олардың қолынан қаза тапқан бейбіт тұрғындар екенін атап өтті.
Лаңкестердің көбі қаңтардың 5-інен 6-сына қараған түні полиция бөлімшелері мен жол бойындағы бекеттерге жасалған шабуыл кезінде жойылды. Сол күні содырлар қалалық полиция департаментін, Алмалы, Жетісу, Әуезов, Бостандық аудандық бөлімшелерін және жергілікті полиция қызметінің ғимаратын басып алуға әрекеттенген.
Тақырып бойынша оқи отырыңыз
Алматы қаласы ПД басшысы бейбіт шерудің терактіге қалай ұласқанын айтты
Сондай-ақ Полиция департаментінің басшысы мәйітханаға жеті рет шабуыл жасалғанын, белгісіз біреулер қайтыс болған 41 адамның денесін ұрлап кеткенін айтты. ПД ғимаратына таң атқанша шабуыл жасалған, лаңкестер қатарында мергендер болған, олар жақын маңдағы ғимараттардың төбесінен полицейлерге оқ жаудырған.
Тақырып бойынша оқи отырыңыз
Қазірге дейін арнайы операция барысында 127 қару, әртүрлі калибрлі 2800 патрон, сондай-ақ басқа да оқ-дәрілер мен арнайы техника тәркіленген.
Тақырып бойынша оқи отырыңыз
Сондай-ақ Алматы қаласы полиция департаментінің бастығы қылмыскерлер полицейлер мен әскерилердің киімін киіп алып, шабуыл жасағанын мәлімдеген еді.
