Отырар таратқан ақпаратқа сәйкес, жантүршігерлік жаңалық туралы хабар полицияға ақпанның бірінші күні таңертең түскен.
Қаладағы Жангелді көшесіндегі қоқыс жәшігінен көрпеге оралып, сауда сөмкесіне салынған әйелдің мәйіті табылды.
Оқиға орнына шақырылған полиция қызметкерлері мәйіттің шамамен 35 жастағы әйел адам екенін анықтады. Тергеушілер мен медициналық сараптаманың нәтижесі марқұмның денесінде көгерген іздер бар екенін көрсетті.
Аталған жайт әл-Фараби ауданы Полиция басқармасының қызметкерлерімен ҚР Қылмыстық Кодексінің 99-бабы «Адам өлтiру» бойынша Сотқа дейінгі тергеп-тексерулердің бірыңғай тізіліміне тіркелді.
Іс бойынша тиісті сараптамалар тағайындалды.
Қазіргі таңда күдікті тұлғаларды анықтауға бағытталған жедел-іздестіру іс-шаралары жүргізілуде.