Шымкент қаласының Cыбайлас жемқорлыққа қарсы қызметі Шымкент қалалық полиция департаменті жергілікті полиция қызметінің бұрынғы бастығына қатысты қызметтік бабын пайдаланып, алаяқтық жасау фактісі бойынша (Қылмыстық кодекстің 190-бабының 3-бөлігі, 2-тармағы) сотқа дейінгі тергеу жүргізіп жатыр. Қазақстан Республикасы Сыбайлас жемқорлыққа қарсы іс-қимыл агенттігінің баспасөз қызметі
Сыбайлас жемқорлыққа қарсы қызметтің мәлімдеуі бойынша, биыл 25 сәуірде Мұхтар Бухарбаев Қылмыстық іс жүргізу кодексінің 128, 131-баптарына сәйкес ұсталып, уақытша ұстау изоляторына қамалды.
Сотқа дейінгі тергеу жүріп жатыр.
Қылмыстық-процестік кодекстің 201-бабына сәйкес өзге мәліметтер жария етуге жатпайды.
