Райымбек даңғылында үш көліктің қатысуымен жол апаты орын алды.
Куәгерлердің айтуынша, КамАЗ Райымбек даңғылы бойымен қатты жылдамдықпен келе жатқан, оның үстіне арлы-берлі қатардан қатарға өтіп отырған.
№7 қалалық ауруханасы артында ол Toyota Camry-ді іліп кетеді. Бірақ оған тоқтамаған жүргізуші ақ түсті Hyundai Elantra-ның алдын кесіп өтеді. Жеңіл көлік жүргізушісі оған соқтығыспауға тырысып, рөлді бұрып, жолды бөлуші басты жолаққа қарай ұшып кетеді. Көлік жолақ шетіндегі қалқаға сырылып, оның 10 метрін бүлдірді.
Сурет: Zakon.kz
Бұл уақытта КамАЗ жүргізушісі қызыл түсті тағы бір Hyundai Elantra-ны барып соқты.
Сурет: Zakon.kz
Сурет: Zakon.kz
Екі Hyundai оқиға орнында тоқтады, ал Toyota жүргізушісі мен басқа да куәгерлер жүк көлігінің соңына түсіп, қуа жөнелген. Біраз уақыттан кейін олар жүк көлігін тықсырып, тоқтауға мәжбүр етеді. Куәгерлер кабинадан 3-4 адам секіріп шыққанын айтты. Олардың біреуін ұстау мүмкін болған. Сондай-ақ, куәгерлер жүк көлігінің ішінде сыраның бөтелкелері шашылып жатқанын айтты.
Сурет: Zakon.kz
Ұсталған адамды медициналық куәландыруға алып кетті. Оқиға орнында криминалист саусақ іздерін алды.
Сурет: Zakon.kz
Жол апатынан бірнеше адам зардап шекті. Қызыл түсті Hyundai-дың жүргізушісі ауруханаға түсті, бірақ кейін ол апат орнына оралды. Ақ түсті Hyundai-да екі жүкті әйел және екі жасар бала болған. Жүкті әйелдің бірін дәрігер оқиға орнында қарап, үйіне қайтарды, ал екіншісін екі жасар ұлымен ауруханаға алып кетті.
