Жедел-тергеу іс-шаралары барысында Аламудун ауданы Ленин ауылында салмағы 1 келі 800 грамм гашиш өткізу кезінде 2001 жылғы Қырғызстан азаматы ұсталды.
Одан кейін жедел уәкілдер екінші күдіктінің ізіне түсті.
Ол 2000 жылғы Қазақстан азаматы болып шықты, жас жігіт Subaru көлігінің бензин құятын багына жасырын орын жабдықтап, контрабандалық жолмен Қазақстаннан Қырғызстан аумағына жоғарыда аталған есірткі құралдарын жеткізіп, өткізу мақсатында Қырғызстан азаматының қолына ұстатқан. Қырғыз Республикасының Ішкі істер министрлігі
Аталған фактіге сәйкес, ҚР Қылмыстық кодексінің 282-бабының 3-бөлігі, яғни "Өткізу мақсатында есірткі құралдарын, психотроптық заттар мен олардың баламасын заңсыз дайындау" бойынша қылмыстық іс қозғалды.
Қазіргі уақытта осы есірткі тобының басқа мүшелерін және аталған қылмысқа қатысы бар адамдарды ұстау үшін жедел-тергеу шаралары қолға алынды.
Ұсталғандар тергеу изоляторына қамалды. Тергеу жүргізіліп жатыр.