Өртті сөндіру жер бедерінің күрделі рельефіне, желдің күшеюіне және күннің қараңғы болуына байланысты қиындады. Қабылданған жедел шаралардың арқасында сағат 20: 22-де өрт оқшауланып, сағат 20: 35-те толықтай сөндірілді. Алматы қаласы ТЖД баспасөз қызметі
Қаза болғандар мен зардап шеккендер жоқ.
Оқиға орнында 17 өрт сөндіру техникасы мен су шашатын көліктер және жеке құрамнан 130 адам жұмыс істеді.
Бұған дейін әлеуметтік желіде Алматы тауларынан көрінген түтіннің видеосы жарияланған болатын. Қалалық ТЖД баспасөз қызметі өрт шалған аумақтың алдын ала есептелген көлемі 1,5 гектар болатынын жеткізді.
Кейін өрт жекеменшік үйлерге қарай жылжығаны белгілі болды, бірақ құтқарушылар қауіпті оқшаулай алды.
Алдында Кеңсай тауының баурайындағы өртті сағат 18:56-да әрең дегенде ауыздықтаған өрт сөндірушілер бірден тағы осыған ұқсас шақырту бойынша Көктөбеге ары қарай аттанған болатын .
Одан кейін өрт қаупінің дәрежесі жоғарлап, қаладан тартылатын қызметтердің күштері және құралдарымен өзара іс-қимыл өрістетілді.