Роман Богдановтың денесін балық аулап жүрген адам кездейсоқ байқап қалған. Қаза болған адамның денесі 10 қыркүйекте сағат 16:53-те судан шығарылды, деп хабарлайды Pavlodarnews.kz облыстық төтенше жағдайлар департаментіне сілтеме жасап.
Айта кетсек, 5 қыркүйекте «Ертіс» футбол командасының жаттықтырушысы 1995 жылы туған Роман Богданов достарының көз алдында жағадан құлап кеткен Жас жігіт балық аулау кезінде жағадан аяғы тайып, өзенге құлаған. Қасында достары болған. Жас жігіттің денесін полицейлер, еріктілер, ТЖМ құтқарушылары, және оның достары мен туысқандары іздестірді.
