Алматыда үйге соғылған автобус жүргізушісінің отбасы әділдік сұрайды

Сурет: Zakon.kz
Алматыда жекеменшік үйге соғылған автобустың жүргізушісі әлі жансақтау бөлімінде жатыр. Ал, оның отбасы жол апатына көліктегі ақау себеп болды дегенді айтады. Өйткені жүргізушінің денсаулығында бұған дейін кінәрат болмаған, деп хабарлайды Zakon.kz.

Бұдан бұрын хабарлағанымыздай, қоғамдық көлік, жолаушыларымен бірге жеке тұрған үйге соғылған. Автобус тізгініндегі Руслан Мұрынов - 4 баланың әкесі, отбасының жалғыз асыраушысы. Қазір ауруханада, есін жимаған. Автопарк өкілдері аталған оқиғаны жүргізуші денсаулығының кенеттен сыр беруімен байланыстырған болатын. 20 жылдық тәжірбиесі бар жүргізушінің жанұясы мұнымен келіспейді, деп хабарлайды Астана телеарнасы.

Мықты болған денсаулығы. Ешқашан қыңқ етпеген. Жүрегім, басым деген емес. Басын КТ-ға түсірдік. Инсульт жоқ. Жүрегін де түсірдік, инфаркт жоқ. Бастықтардың айтқаны өтірік. "Тежегіш ұстамай қалған" деген чатта достары. "Неисправный" болған дейді. Зардап шеккен жүргізушінің жұбайы Анар Елшімбаева

Автопарк басшылығы болса, автобуста техникалық ақау болды дегенді жоққа шығарып әлек. Автобус жолға шықпай тұрып, толық тексерістен өткенін айтады. Олар алдағы уақытта қоғамдық көлікке қосымша техникалық сараптама тағайындалатынын жеткізді.

Бұзылған автобус деп айта алмаймын. Неге десеңіз, оның бәрін кезекші мехник шығар кезде тексереді. Тежегішін, рөлін, дөңгелектерін. Бәрі әділетті болсын дейміз. "Біреуге жала жауып, өзіміздің жауапкершілігімізден қашып кетеміз" деп отырған ешкім жоқ. "Олжас LTD" ЖШС атқарушы директоры Шыңғыс Байқадамов
Алматы

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

"Жауын-шашын түсіп, көктайғақ болады". Дүйсенбіде еліміздің 17 өңірінде дауылды ескерту жарияланды

Ұлытау облысында жыл басынан бері дрифт жасаған 14 көлік жүргізушісі жауапқа тартылды

1200-ден астам құқық бұзушылық: Астанада жаппай рейд жүріп жатыр

Оңтүстік Кореяның білім министрі ЖИИ-мен байланысты даудан кейін отставкаға кетті

Астана, Алматы және Шымкент қалалары бойынша алдағы бес күнге арналған ауа райы болжамы