Блогер су қоймасына барып, аэрофототүсірілім жасап жүрген сәтінде оған бейтаныс адамдар көлігін тауып беруді өтініп келгенін жазыпты.
"Айтуынша, олар балық аулауға келіп, ТЖД тыйымына қарамастан, көлікпен мұзға шығып кеткен. Күнді жақсы өткізгенімен, өкінішке қарай, олар жағаға орала алмаған. Қапшағай өте қу! Жағаға қарай кетіп бара жатқанда көлік ойыққа түсіп кеткен. Жағаға жақын маңда қайнар бұлақ болса керек", – дейді Михаил.
Сурет: Instagram.com/shevelev_m
Көлікте төрт адам болған.
"Олардың арасында жеті жасар қыз да болған. Жүргізуші терезені сындырып үлгеріп, барлығы құтылып шыққан. Бірақ жағдай қиын болуы мүмкін еді, абай болыңыз", – деп жазыпты блогер.