"Қаза тапқан отандастарымыздың денесі Антакья қаласынан Антальяға жеткізіліп, 11 ақпанда кешке Алматыға жеткізілді. Мемлекет тасымалдау бойынша барлық шығынды өз мойнына алды", - деді ҚР Сыртқы істер министрлігінің ресми өкілі Айбек Смадияров.
Ал Мирболат Құрмашевтің ағасы Алмат Құрмашев марқұмның жаназаcы Алматыда жексенбі, 12 ақпанда шығарылатынын хабарлады.
Еске салайық, Түркияда жойқын жер сілкінісінен кейін жоғалып кеткен қазақстандық Әділ Қадырбековтің денесі 9 ақпанда, ал Мирболат Құрмашевтің денесі 10 ақпанда үйінді астынан табылды.
8 ақпанда үйінді астынан Сәбина Мамадиярова аман-есен табылған еді. Оның қолы сынған, 10 ақпанда Сыртқы істер министрлігі қазақстандықтың қолына ота жасалғанын хабарлады.