Сыртта әлі де күн салқындау болғандықтан жәндіктер көбіне үйдің ішіне кіруге тырысады. Ол көпқабатты баспаналардағы пәтерлерден гөрі жер үйлердің ішінде тіршілік еткенді қолайлы көреді.
Мамандардың айтуынша, сарышаяндардың уы, әсіресе, созылмалы сырқаты бар егде жастағы адамдар мен балалардың ағзасына өте қауіпті, деп жазады qazaqstan.tv.
Былтыр мегаполисте улы жәндік шаққан 75 адам ауруханада ем алып, тағы 258 азамат амбулаторлық көмекке жүгінген болатын.
Былтырғы жыл мен биылғы жылдың бізге қаралу бойынша ешқандай айырмашылығы жоқ. Енді майдан бастап тамыздың аяғына дейін сарышаян шаққан науқастар көп болады. Ал одан кейін аз және жарақаттары жеңіл болып келеді. Мадина Ермаханбетова, дәрігер
