Ақмола облысының арнайы прокурорлары мемлекеттік қаражатты жымқырды деген күдікпен бұрын Ақмола облысының жолаушылар көлігі және автомобиль жолдары басқармасы бастығының орынбасары лауазымында істеген тұлғаны ұстап, уақытша ұстау изоляторына қамады. Сот санкциясымен ол күзетпен ұстауға алынды.
"Оған жол салуға бөлінген бюджеттік қаражатты аса ірі көлемде жымқыру фактісіне қатысы бар деп күдік қойылып отыр. Атап айтқанда, нақты жұмыстарды орындамай ол бюджеттен 1 млрд. 244млн. тенге төленген".Ақмола облысы прокуратурасының баспасөз қызметі
Бұл факт бойынша ҚК 189 бабы 4 бөлігі 2 тармағымен (аса ірі көлемде жысқыру) сотқа дейінгі тергеу жүріп жатыр.
Осындай қылмыс жасаған үшін 12 жылға дейін бас бостандығынан айыру жазасы белгіленген.