"Орал қаласы мен Бәйтерек ауданындағы Асан ауылы бойынша 23 шақырту түсті, оның ішінде екі әлеуметтік нысан: облыстық көпбейінді балалар ауруханасы және облыстық арнайы мектеп-интернатыда бар. БҚО ТЖД жергілікті атқарушы органдарымен, "Батыс Су Арнасы" ЖШС-мен бірлесіп су сору жұмыстарын жүргізіп жатыр". БҚО ТЖД баспасөз қызметі
Сонымен қатар, ауа райының қолайсыздығына байланысты Орал қаласында 6 434 абонент жарықсыз қалғаны, қазіргі уақытта 1500 абонентке электр қуаты берілгені де нақтыланады.
"Батыс Қазақстан АЭЖК" ЖШС-ның 32 қызметкері қалпына келтіру жұмыстарын жүргізіп жатыр", делінген хабарламада.
Сурет: БҚО ТЖД баспасөз қызметі
Алдағы үш күн ішінде көп көлемде жауын-шашын және найзағай түседі деп болжанады. Осыған орай БҚО ТЖД облыс тұрғындарын келесі қауіпсіздік шараларын сақтауға шақырады:
- ғимараттарда электр қуатынан болуы мүмкін өрттердің алын алу шаралары;
- найзағай тартқыштардың болуын, электр элементтерін жерге тұйықталуын қамтамасыз ету;
- су басу қаупі бар аумақтарда суды бағыттау жыраларын дайындау;
- тұрғындар арасында қауіпсіздік шараларын сақтау бойынша түсінік жұмыстарын жүргізу;
- найзағай ойнауы кезінде электр сымдарына, найзағай тартқыштарға, антенналарға жақындамау;
- теледидар, радио және басқ да электр бұйымдарын мүмкіндігінше сөндіріп қою;
- балалардың мүмкіндігінше үйде болуын қадағалау, олардың электр трансформаторларының маңында ойнауға тыйым салу;
- адамдардың су айдындарында шомылуына тыйым салу.
