Өрт сөндірушілер келгеннен кейін 20 шаршы метр алаңда 2-қабаттағы бөлмелердің бірінде өрт шыққаны анықталды. Өрт тез таралған, жоғарғы бөлмелерді түтін басқан. Өрт сөндірушілер қою түтін арасында жұмыс істеді. Елордалық өрт сөндірушілердің күшімен үш иінді көтергіш арқылы 2 адам аман-есен құтқарылды. Жатақхананың 60 тұрғыны эвакуацияланды.
"ТЖД күштерімен өрт 22.28-де оқшауланып, 22.48-де сөндірілді. Өртті сөндіруге Астана қаласы ТЖД жеке құрамынан 41 адам мен 9 техника жұмылды. Қаза болғандар мен зардап шеккендер жоқ. Құрметті Астана қаласының тұрғындары, ТЖД өрт қауіпсіздігі ережесін сақтауды және өз өміріңіз бен мүлкіңізді қорғауды ұсынады", – делінген Астана Төтенше жағдайлар департаменті хабарламасында.
"Ешбір адам өрттен сақтандырылмаған, сондықтан қауіпсіздік туралы алдын ала ойлану маңызды. Тұрмыстық өрттердің алдын алу бағыттарының бірі оларды – ерте анықтау. Ол үшін арнайы дабыл құрылғылары – автономды өрт хабарлағыштары жасалады. Олардың басты мақсаты – өрттің болғанын анықтап, ол туралы хабарлау. Датчикті үйіңізге орнату арқылы сіз мүлікті ғана емес, өміріңізді де сақтайтыныңызға сенімді бола аласыз", – деп қосты департаменттегілер.
