Бұқаралық ақпарат құралдарында жарияланған кадрларда мұғалім балаларға дөрекі сөйлеп жатқаны түсірілген.
"Комиссия болады, сауалнама болады. Құдай сақтасын, мұғалімдерге, әкімшілікке қарсы бірдеңе жазсаңдар, маған хабарлайды. Мен сендерді қорқытқаным емес. Орындарыңды біліңдер. Су ішкен құдығыңа түкірме. Егер тыңдамасаңдар, кешіктіңдер. Ал қашсаңдар, түсіндірме хат жазыңдар", – деп сөйлеп жатыр мұғалім видеода.
Ол сабаққа келмегендер үшін директордың атынан айыппұл салынатыны туралы да хабарлады.
"Директор 10 сабаққа келмеген жағдайда ата-анаға 65 мың теңге көлемінде айыппұл салынатынын айтты", - деп түйіндеді ол.
Жазбаға қатысты облыстық білім басқармасы жауап берді. Олар комиссия құрылғанын түсіндірді.
"Қарағанды қаласының білім бөлімі №5 мектептегі жанжалды жағдай арнайы құрылған комиссияның жұмысы аясында зерттеліп жатқанын хабарлайды. Сонымен қатар сынып жетекшісінің іс-әрекеті педагогикалық әдепті бұзу фактілері бойынша бағаланады", - делінген департамент мәлімдемесінде.