Ресейлік E1.ru басылымының жазуынша, ұшақ Екатеринбургке жергілікті уақыт бойынша сағат 12:50-де жетуі тиіс болған. Оның орнына Ақтөбе әуежайына қонды. Ондаған ресейлік турист жаңа рейсті күтуге мәжбүр болды.
"Техникалық ақау шыққанын хабарлады, әрі қарай не болатыны әзірге белгісіз, барлық адамды ұшақтан шығарып, кедендік бақылаудан өткізді", – деді жолаушылардың бірі E1.ru сайтына.
Бұл – Қазақстан көгінде болған екінші жағдай. Қыркүйектің 17-сі күні Алматыдан Ташкентке ұшып бара жатқан ұшақ қозғалтқышының істен шығуына байланысты бұрылуға мәжбүр болды.