Астана полиция департаменті баспасөз қызметінің 17 қазанда таратқан ақпаратына сүйенсек, Нұра аудандық полиция бөлімінің қызметкерлері супермаркеттерге үш рет ұрлыққа түсті деген күдікпен жергілікті тұрғынды ұстады. Тергеу дерегіне сүйенсек, жас жігіт тәттіге ерекше құмар болған, ол алдымен дүкен сөресінен жалпы құны 80 мың теңге болатын "Қазақстан" шоколадының бірнешеуін ұрлап әкеткен, сәл кейінірек сол дүкеннен тағы шоколад ұрлап, 120 теңге шығын келтірген.
Полицейлер күдіктіні сауда орталығынан жалпы құны 106 мың теңге тұратын спорт киімін алып шықпақ болған кезде ұстады. Ұсталғаннан кейін күдікті қылмысын мойындады. Қазір полицейлер ұсталған азаматтың басқа да қылмыстарға қатысы бар-жоғын тексеріп жатыр.
Күдікті уақытша ұстау изоляторына қамалды, қазір сотқа дейінгі тергеу амалдары жүргізіліп жатыр, оның үстінен қылмыстық іс қозғалды.