Қостанай облысы полиция департаментінің мәліметінше, зейнеткер пәтеріндегі су тазарту сүзгілерін ауыстыруды ұйғарған. Сүзгі ауыстыруымен айналысатын екі жігіт оның үйіне бірнеше рет келіп, зейнеткердің жалғыз тұратынын көреді.
"Төлем жасау үшін шебер зейнеткердің телефонына банк қосымшасын орнатуды ұсынды. Зейнеткер сенім артып, жеке куәлігін тапсырған. Ол құжатпен жас жігіт тексеруден өтіп, ақшаны депозиттен таныстарының шоттарына аударған", – делінген полиция таратқан хабарламада.
"Cyber pol" арнайы полиция бөлімшесі 28 жастағы Федоров ауданының тұрғынын ұстады. Осы уақытқа дейін ол ұрланған ақшаға қымбат заттар мен телефон сатып алып, жұмсап үлгерген. Полицейлер оның бұрын алаяқтық әрекеті үшін қылмыстық жауапкершілікке тартылғанын айтты.
ҚР ҚК 190-бабы 2-тармағының 4-тармағы бойынша сотқа дейінгі тергеу басталды.
