Әкімдіктің хабарлауынша, сағат 00:00-де отшашуға дейін Қазақстанның әнұраны шырқалады. Кейін Ботаника бағы пен "Атырау" көпірінің аумағынан, әр орыннан шамамен 1 мың отшашу атылады деп жоспарланған.
Сонымен қатар 31 желтоқсаннан 1 қаңтарға қараған түні қаладағы үш жерде мерекелік іс-шаралар өтеді. 31 желтоқсанда сағат 21:00-ден 02.00-ге дейін орталық алаңда, "Қазақ елі" монументі аумағында және ЭКСПО алаңында елорда тұрғындары мен қонақтары үшін эстрада жұлдыздарының қатысуымен "Жаңа жыл түні" мерекелік концерті өтеді.
Сонымен қатар тұрғын үй алаптарында да жаңажылға арналған мерекелік бағдарламалар ұйымдастырылады.