Қардың қалың түсуіне байланысты коммуналдық қызметтер күшейтілген жұмыс режиміне көшті. Жолдарда шиеленісті жағдайлар байқалады. Жедел жәрдем көліктерінің өзіне жүріс қиынға түсуде.
Алматылықтар шығыс айналма жолда кептелісте тұрған автобустарды итеруге мәжбүр. Синоптиктердің болжамы бойынша, 14 наурызда сағат 16:00-ден 15 наурызда сағат 04:00-ге дейін үздіксіз жауған қардың биіктігі 8-10 см болады деп күтіледі.
Zakon.kz оқырмандары Алматының кейбір аудандары жарықсыз қалғанын жазуда. Редакция әкімдіктен мән-жайды білуге тырысып жатыр.
Әлеуметтік желіде кейбір алматылықтар қар басқан көшеде сноуборд теуіп жүрген видеосымен де бөлісіп жатыр.
Бұған дейін Алматыда қатты жел тұрып, ұшқындаған қардың салдарынан 14 наурызда әуежай жұмысын кілт тоқтатқаны хабарланған болатын. Үздіксіз жауған қар салдарынан Алматы жолдарында 11 балдық көлік кептелісі болды.