Zakon.kz сайтына "Алатау Жарық Компаниясы" АҚ баспасөз қызметі қазір жедел-көшпелі бригада электр энергиясын беруді қалпына келтіру және қолайсыз ауа райының салдарын жою бойынша жұмыстар атқарып жатқанын жеткізді.
"Қаладағы жағдай бақылауда. "АЖК" АҚ ресми сайтынан ағымдағы уақыттағы апатты жағдайларға байланысты электрмен жабдықтау қызметіндегі ақаулар туралы ақпарат алуға болады", - дейді компаниядағылар.
Бұған дейін Алматыда үздіксіз жауған қар мен ақтүтек боранға байланысты әуежай жұмысын уақытша тоқтатқаны хабарланған болатын. Қалада ірі көлік кептелісі орын алып, адамдар жолаушылар автобустарын итеруге мәжбүр болды.