Екі жергілікті тұрғынның жоғалғаны туралы туыстары бүгін таңертең құзырлы органға хабарлаған. Адасып кеткендер бір сағаттан кейін табылды.
"Автокөлік елдімекеннен 46 шақырым жерден табылды. Оның балшыққа батып қалғаны белгілі болды. Олар далаға жоғалған малдарын іздеп шыққанын, алайда бағдардан айырылып, өз бетінше кері орала алмағандарын айтты", делінген ТЖД хабарламасында.
Оларға медициналық көмек қажет болмаған.
Іздестіру-құтқару жұмыстарына ТЖД-ның 4 қызметкері мен 1 бірлік техникасы жұмылдырылды.
Айта кетсек, бүгін Семейде үй өртеніп, екі адам құтқарылды.