6 сәуір, сағат 08: 00-де қоймаға келіп түсіп жатқан су көлемі 2640 текше метрге дейін ұлғайды, бұл ретте ағын 3361 текше метрді құрайды, Қаратомар су қоймасында судың толу деңгейі 97% құрады, деп хабарлады әкімдіктегілер.
"Іргелес аумақтардың тұрғындары уәкілетті органдардың бірінші талабы бойынша ұйымдаса отырып, эвакуация жасауы тиіс. Онда да қарттарға, мүмкіндігі шектеулі азаматтар мен балаларға ерекше назар аударылуы қажет. Құжаттар мен қажетті заттарыңызды алдын ала дайындап қойыңыздар", – деп ескертті өңірдің облыстық жедел штабындағылар.
6 сәуірде арнайы брифинг барысында Қостанай әкімі Марат Жүндібаев қалада ТЖ режимі енгізілгенін жариялады. Қала әкімі су басуы ықтимал аймақтарда тұратын азаматтарды алдын ала қам жасап, тез арада көшуді сұрады.