Қалалық сот құқық бұзушыға 40 сағаттық қоғамдық жұмыстарды тағайындады.
22 мамырда ШҚО бойынша ҚАЖД баспасөз қызметінен хабарлағандай, жедел-профилактикалық іс-шаралар кезеңінде полиция қызметкерлері жүргізушінің қауіпсіздік белбеуін тақпауына байланысты көлікті тоқтатқан. Ер адам полиция қызметкерінің заңды талаптарын елемей, балағаттап, артынша оған жұдырықпен шабуыл жасаған. Бұл әрекеті полицейдің бейнежетонына түскен.
Бұрын сотталмаған ер адам өзінің асығыс әрекеттері үшін жазасын алды. Ол өз іс-әрекетіне өкінгенін мойындады.
"Пробация қызметкерлері қоғамдық жұмыстарды орындау үшін жергілікті атқарушы органға есеп берушіні жіберді, онда оған қаланы көгалдандыру және абаттандыру бойынша объект бөлінді", – деді Өскемен қаласының Сол жағалау ауданының пробация қызметінің бастығы әділет майоры Бауыржан Төлеуханов.
21 мамырда Алматыда полиция жалпы құны 30 млн теңге болатын шетелдік үш көлікті ұрлаған күдіктіні ұстады.
