Атырау облысының ТЖ жөніндегі жедел штабының хабарлауынша, Атырау қаласы маңындағы Ақжар ауылындағы бөгет толық нығайтылды. Қазіргі уақытта Атырау қаласы маңындағы Ақжар ауылында ахуал тұрақты. Бөгеттер нығайтылып, тасқыннан қорғау жұмыстары қарқынды жүріп жатыр.
Бұл туралы учаскеге жауапты координатор Қаһарман Мұсаев мәлім етті.
Оның айтуынша, бөгетті су жарған жоқ.
"Бөгеттің үгітілген бөлігін ТЖД қызметкерлері және мердігер мекеме мамандары бірге нығайтты. Тәулік бойы кезекшілік жалғасуда. Қазіргі таңда бөгеттердің үстіне гиомембрана төселіп, жұмыстар 100% аяқталды", - деді Қаһарман Мұсаев.
