ШҚО ТЖД баспасөз қызметінің хабарлауынша, баланың анасы үйде болған және кішкене көзі тайып кеткенде баланың терезеге көтеріліп, москит торымен қоса төменге қалай құлап кеткенін байқамай қалған.
Қазіргі уақытта бала медициналық мекемеге жатқызылды.
"Қайғылы оқиғалардың басты себебі - балаларды қараусыз қалдыру, терезелерде қорғаныс құрылғыларының болмауы", - деп атап өтті ШҚО ТЖД.
ТЖД мұндай жағдайда қайғылы оқиғаны болдырмас үшін ересектерден келесі ұсыныстарды ескеруді сұрайды:
- үйде кішкентай бала болса, терезелерді ашық қалдырмаңыз;
- жиһазды терезелердің жанына қоймаңыз;
- терезелерде арнайы қорғаныс құрылғылары болу керек;
- бала өздігінен аша алмайтындай етіп терезе тұтқасын құлыптау қажет;
- баланы терезе алды тақтайшаға шығуға және терезеден көшеде не болып жатқанын көруге үйретпеңіз, ол сіз жоқта қайталауы мүмкін;
- балаларға ересектердің қарауынсыз балконға шығуына рұқсат бермеңіз;
- есіңізде болсын, москит торы баланы құлаудан құтқармайды
- Балалардың қауіпсіздігі тек сіздің қолыңызда! Төтенше жағдай туындаған жағдайда құтқару қызметіне 112, 101 телефондары бойынша қоңырау шалыңыз.
Айта кетсек, бұған дейін Ақмола облысында бір күнде екі бала қайғылы жағдайға ұшырағанын хабарлаған болатынбыз.