Отқа оранған Rixos Khan Shatyr Residences тұрғын үй кешені Тұран даңғылы, 37/9 мекенжайында орналасқан. Бұл - шамамен "Хан Шатыры" сауда ойын-сауық орталығының маңы.
Қалалық ТЖД оқиғаның мән-жайы нақтыланып жатқанын хабарлады.
"22 маусымда сағат 15:09-да Астана қаласы ТЖД өрт сөндіру бөлімшелері шақырудың жоғары рангы бойынша Тұран көшесі, 37/9 үй мекенжайына аттанды. Өрт сөндірушілер оқиға орнына келіп жеткеннен кейін тұрғын үй кешенінің 26 қабатындағы пәтердің сыртқы жабыны жанып жатқанын анықтады". Астана қаласы ТЖД баспасөз қызметі
Құтқарушылар ғимаратта қалып кеткен адамдардың бар-жоғын тексеріп жатыр.
