Құтқарушылар әуеден түсірген видеокадрлардан кейбір елді мекендердің топан судың ортасында қалғанын көруге болады.
"Рейтер" агенттігінің хабарлауынша, жауыннан бірнеше өзен тасып, көшелерде көлік қатынасы қиындаған.
Осыған ұқсас жағдай Францияда да қалыптасып отыр.
Бұл мемлекеттің алты департаментінде қауіптің қызыл түсі жарияланды.
Әсіресе елдің үшінші ірі қаласы Лиондағы жағдай қиын. Онда көшелер өзенге айналып, талай көлік суға кетті, деп жазады qazaqstan.tv.
Әзірге Франциядан тасқын құрбандары туралы мәлімет түскен жоқ.