Алматы хайуанаттар бағы қызметкерлері аптап ыстықта жануарларға қандай күтім жасалуда екенін көрсетті. Мәселен, Пруга есімді ақ аюға жеке бассейнмен қатар қарлы алаңқай да әзірлеген.
"Біздің ақ аюымыз Пурга болса, сергітетін салқын суда шомылып, бассейнде өзінің "қалқымасымен" ойнап, рахаттанып жүр. Сонымен қатар, оның ашық қоршауында жайлы орта қалыптастыру үшін жасанды қар шашатын арнайы құрылғы жұмыс істейді. Пурга тұратын жабық бөлімде арнайы салқындатқышпен жабдықталған үңгір бар — сондықтан ол ең ыстық күндері де аптаптан тығылатын жер таба алады",- деп жазды зообақ әкімшілігі желідегі парақшада.
Бұған дейін алдағы күндері Астана мен Алматыда толассыз жаңбыр жауатындығы хабарланған болатын.