Желідегі ақпарға сүйенсек, күдікті суық қарумен баланың көзінше әйелге 4 рет жарақат салған.
Қалалық полиция департаменті кісі өлтіру фактісі бойынша қылмыстық іс қозғалғанын нақтылады.
Алдын ала мәліметтер бойынша, олардың арасында жанжал болған.
"Ер адам әйелге пышақ салып, артынша өзі тұрғын үйдің 25-қабатынан секіріп кетті. Құлау салдарынан алған ауыр жарақатпен медициналық мекемеге жеткізілді". Астана ПД баспасөз қызметі
Ашық дереккөздерге сүйенсек, марқұмның артында екі баласы қалды.
"Қазіргі уақытта болған оқиғаның барлық мән-жайларын анықтауға бағытталған жан-жақты тексеру жүргізілуде". Астана ПД баспасөз қызметі
ҚІЖК-нің 201-бабына сәйкес өзге де ақпарат жариялауға жатпайды, деп қорытындылады ведомство.
Сондай-ақ, қоғамдық денсаулық сақтау басқармасы ер адамның Ұлттық ортопедия және травматология орталығында екенін айтты.