Өңірлік прокуратураның 2026 жылғы 5 ақпандағы мәліметінше, 12 адам рұқсатсыз, экологиялық заңнама талаптары мен өнеркәсіптік қауіпсіздік нормаларын бұза отырып, шамамен 451 грамм алтынды заңсыз өндірген.
"Аталған деректер бойынша Қазақстан Республикасы Қылмыстық кодексінің 295-1-бабының 1 және 3-бөліктерінде көзделген қылмыстық құқық бұзушылық белгілерімен сотқа дейінгі тергеп-тексеру басталды. Күдіктілерге қатысты қажетті тергеу әрекеттері жүргізілді. Олардың бесеуіне үйқамақ түріндегі бұлтартпау шарасы қолданылды", – делінген хабарламада.
Прокуратура заңсыз пайдалы қазбаларды өндіру экологияға елеулі зиян келтіретінін, мемлекеттің экономикалық қауіпсіздігіне нұқсан тигізетінін және қылмыстық жауапкершілікке әкелетінін ескертті.
Аталған құқық бұзушылық үшін күдіктілер 7 жылға дейін бас бостандығынан айырылуы мүмкін.
Айта кетейік, Қостанай облысында марганец кенін заңсыз өндірген ер адам 5 жыл 4 айға сотталған.