Облыстық Полиция департаментінің баспасөз қызметі мәлімдегендей, құқық бұзушылықты тәртіп сақшылары әлеуметтік желілерге жүргізілген мониторинг барысында анықтаған.
Жарияланған бейнежазбада әйел тікелей эфир кезінде агрессивті мінез-құлық танытып, бейәдеп сөздер айтқан.
Полиция қызметкерлері құқық бұзушының жеке басын анықтады. Ол 39 жастағы жергілікті тұрғын болып шықты.
Жиналған материалдарды қарау қорытындысы бойынша сот әйелді жауапқа тартты.
Бұған дейін де осыған ұқсас жағдай туралы хабарлаған едік. Онда Семей қаласының тұрғыны TikTok желісінде балағат сөздер айтқаны үшін қамауға алынған.