Ақтөбе облыстық полиция департаментінің мәліметінше, әлеуметтік желідегі тікелей эфир кезінде бейәдеп сөздер айтып, қоғамдық әдеп нормаларына қайшы әрекеттер жасаған 42 жастағы Қазақстан азаматының жеке басы жедел анықталған.
"Сот шешімімен ер адам бес тәулікке әкімшілік қамаққа алынды", – деп хабарлады полиция.
Құқық қорғау органдары әлеуметтік желілердің де қоғамдық кеңістік екенін еске салды. Тікелей эфирге шығу заң талаптарын бұзғаны үшін жауапкершіліктен босатпайды.
Полицияның түсіндіруінше, интернетте балағат сөздер айту, өзгелерді қорлау және басқа да заңға қайшы әрекеттер жасау қоғамдық орындардағы құқықбұзушылықтар сияқты жауапкершілікке әкеп соғады.
Бұған дейін редакция бұқаралық ақпарат құралдары мен әлеуметтік желілерде балағат сөздер айтқаны үшін жаза енгізілген жағдайда, заң бойынша қандай сөздер бейәдеп лексикаға жататынын түсіндірген болатын.