Компанияның баспасөз қызметі таратқан жол болжамына сәйкес, сейсенбі күні Ақтөбе, Павлодар, Қарағанды, Қызылорда, Маңғыстау, Солтүстік Қазақстан, Шығыс Қазақстан, Абай және Ұлытау облыстарында жауын-шашын күтіледі.
"Республикалық маңызы бар автожолдардың кейбір учаскелерінде көріну қашықтығы қысқарып, жолдың беті тайғақ болуы мүмкін", – деп ескертті ұлттық компания.
"ҚазАвтоЖол" жүргізушілерге мынадай кеңес берді:
- - Ауа райын ескеріңіз.
- - Алдыңыздағы көлікпен қауіпсіз арақашықтық сақтаңыз.
- - Жылдамдықты жол жағдайына қарай таңдаңыз.
- - Көлікпен күрт маневр жасаудан сақтаныңыз.
"Республикалық маңызы бар автожолдардың жай-күйі туралы соңғы ақпаратты тәулік бойы 1403 нөміріне хабарласып білуге болады", – деп қосты компания өкілдері.
Бұған дейін "Қазгидромет" 10 қарашаға Қазақстанның 17 облысында дауылды ескерту жариялаған болатын.